Ye Har Waqt Aandhi Ka Dar Kis Liye Ho
Meri Zeest Girta Shajar Kis Liye Ho ...!!~
Koi Tohmatain Aap Per Bhi Lagaye
Har Ilzaam Mere Hi Sar Kis Liye Ho...!!~
Har Ik Zulm Kab Tak Yon Hans Kar Sahain Ham?
Har Ik Baat Per Darguzar Kis Liye Ho...!!~
Koi Baat Meri Nahin Mante Ho
Ho Ziddi magar, Is Qadar Kis Liye Ho?
Meri Shairi Raaz Afshan Na Kar De
Mere Dil Ki Sab Ko Khabar Kis Liye Ho...!!~
Khuda Ke Siwa Kis Ke Agay Jhukain Ham
Khuda Ke Siwa Dil Main Dar Kis Liye Ho...!!~
Andhairon Se Ham Ko Shikaayat Nahin Hai
Na Hon Zulmaten To Sahar Kis Liye Ho...!!~
Koi To Mere Ghar Ka Rasta Bataaye
Koi Poch le, 'darbadar Kis Liye Ho?'
No comments:
Post a Comment